Sundkappinn Már Gunnarsson gerði sér lítið fyrir og synti undir gildandi heimsmeti í þremur greinum á Íslandsmóti Íþróttasambands fatlaðra í 25 metra laug um helgina en mótið, sem var hluti af Íslandsmeistaramóti Sundsambands Íslands, fór fram í Ásvallalaug í Hafnarfirði.
Már synti á tímanum 1:11,85 í 100 metra baksundi, kom í mark á tímanum 33,17 í 50 metra baksundi og þá synti hann á tímanum 2:34,57 í 200 metra baksundi. Már keppir í fötlunarflokki S11, flokki blindra.