Sigþóra Brynja Kristjánsdóttir úr UFA á Akureyri varð í dag Íslandsmeistari í 10.000 metra hlaupi kvenna en Íslandsmótið í greininni fór fram á Kópavogsvelli samhliða Íslandsmótinu í fjölþrautum sem þar stendur yfir.
Sigþóra vann mjög öruggan sigur og hljóp vegalengdina á 37:38,06 mínútum sem er hennar besti tími í greininni.
Íris Dóra Snorradóttir úr FH varð önnur á 40:13,50 mínútum og hin gamalkunna hlaupakona Fríða Rún Þórðardóttir úr ÍR sem er orðin fimmtug varð þriðja á 41:01,51 mínútu.