Alfreð Finnbogason landsliðsmaður í knattspyrnu er kominn til Danmerkur þar sem hann æfir undir stjórn Freys Alexanderssonar hjá Lyngby, nýliðunum í dönsku úrvalsdeildinni.
Alfreð er laus allra mála frá Augsburg í Þýskalandi og hefur verið sterklega orðaður við Hammarby í Svíþjóð að undanförnu.
Nú segir danski knattspyrnuvefurinn bold.dk að Alfreð æfði með Lyngby í þessari viku og stefnt sé að því að hann spili æfingaleik með liðinu gegn HB Köge á föstudaginn.