Atvinnukylfingurinn Guðrún Brá Björgvinsdóttir er úr leik á Ribeira Sacra Patrimonio de la Humanidad International Ladies Open-mótinu í golfi, þrátt fyrir bætta spilamennsku á milli daga. Mótið fer fram í Lugo á Spáni.
Guðrún lék fyrsta hringinn í gær á 74 höggum eða fjórum höggum yfir pari. Hún spilaði á 71 höggi í dag, einu höggi yfir pari og var tveimur höggum frá því að komast í gegnum niðurskurðinn.
Guðrún fékk þrjá fugla, tvo skolla og einn tvöfaldan skolla í dag. Mótið er hluti af LET Acess-mótaröðinni.