Íslandsmeistarinn Guðrún Brá Björgvinsdóttir endaði í 14. sæti á Flumserberg Ladies Open-mótinu í Sviss. Er mótið hluti af LET Access-mótaröðinni.
Guðrún lék þriðja og síðasta hringinn í gær á 72 höggum, á pari. Fékk Guðrún þrjá fugla og þrjá skolla á holunum átján.
Guðrún lék fyrsta hringinn á 69 höggum og var í toppbaráttu framan af. Hún fór hins vegar niður listann á tveimur síðustu dögunum og endar að lokum í 14. sæti.
Sanna Nuutinen frá Finnlandi og Stina Resen frá Noregi mættust í bráðabana um sigurinn og þar hafði sú finnska betur.
Guðrún fékk 740 evrur fyrir árangurinn, rúmar 100.000 krónur.