Það verður Íslendingaslagur í átta liða úrslitum þýsku bikarkeppninnar í handknattleik en dregið var í dag.
Bjarki Már Elísson og félagar hans í Füchse Berlín mæta Rhein-Neckar Löwen sem þeir Guðjón Valur Sigurðsson og Alexander Petersson leika með. Löwen er ríkjandi bikarmeistari.
Lærisveinar Alfreðs Gíslasonar í Kiel fengu heimaleik á móti Melsungen og Aðalsteinn Eyjólfsson og strákarnir hans í Erlangen spila gegn Hannover-Burgdorf á útivelli.
Drátturinn varð þessi:
Füchse Berlín - Rhein-Neckar Löwen
Hannover-Burgdorf - Erlangen
Kiel - Melsungen
Magdeburg - Göppingen