Guðmundur Þórður Guðmundsson hefur gert breytingu á íslenska landsliðinu í handknattleik fyrir leikinn gegn Norðmönnum á Evrópumótinu sem hefst klukkan 17.15 í dag í Malmö.
Sveinn Jóhannsson, línumaður SønderjyskE í Danmörku, hefur verið kallaður inn í hópinn og í stað hans víkur línumaðurinn Arnar Freyr Arnarsson.
Sveinn hefur dvalið með íslenska liðinu í Malmö allan tímann sem sautjándi maður.