Aalborg með átta stiga forskot
Setja bókamerki
Íslendingarnir Janus Daði Smárason og Ómar Ingi Magnússon stigu báðir upp á mikilvægu augnabliki þegar lið þeirra Aalborg vann tveggja marka heimasigur gegn Holstebro í toppslag dönsku úrvalsdeildarinnar í handknattleik í kvöld. Leiknum lauk með 23:21-sigri Aalborgar en Íslendingarnir skoruðu báðir þrjú mörk í leiknum.
Holstebro byrjaði leikinn betur og komst í 3:0. Aalborg vann sig inn í leikinn og náði þriggja marka forskoti. Holstebro kom til baka og leiddi með tveimur mörkum í hálfleik, 12:10. Aalborg var með frumkvæðið í seinni hálfleik en þegar þrjár mínútur voru til leiksloka tókst Holstebro að jafna metin í 21:21.
Aalborg brunaði í sókn og Ómar Ingi Magnússon kom þeim yfir, 22:21. Ómar Ingi bætti svo öðru marki, mínútu fyrir leikslok, og innsiglaði þar með sigur Aalborgar en Ómar Ingi gaf sex stoðsendingar í leiknum og Janus Daði Smárason þrjár. Aalborg er með 35 stig og átta stiga forskot á Holstebro á toppi deildarinnar eftir tuttugu umferðir.
Gígbarmurinn hækkað frá því í gær
Shakespeare fannst í skókassa
Kaldasti veturinn kom að óvörum
Frambjóðendur skila inn listum í Hörpu
„Höfum ekki náð að skríða upp úr þeirri gryfju“
Hvorki sést áður hér á landi né annars staðar
Kostnaður meiri en milljón á fermetra
Banna mengandi búnað sem leyfður er á Íslandi