Viggó Kristjánsson, landsliðsmaður í handknattleik, er orðinn leikmaður Stuttgart í Þýskalandi en félagið staðfesti þetta á samfélagsmiðlum sínum í dag. Orðrómar um skipti Viggós til Stuttgart voru á kreiki í vetur og hafa nú verið staðfestir.
Viggó hafði vistaskipti frá Leipzig til Wetzlar í byrjun tímabilsins og spilaði þar í vetur eða þangað til að tímabilinu var aflýst í apríl vegna kórónuveirunnar.
Með Stuttgart leikur Elvar Ásgeirsson en liðið lauk keppni í 12. sæti efstu deildarinnar á síðustu leiktíð.