Handknattleikskonan Jóhanna Margrét Sigurðardóttir hefur skrifað undir þriggja ára samning við Önnered í Svíþjóð.
Jóhanna varð markadrottning úrvalsdeildarinnar í vetur með 127 mörk í 21 leik með HK en liðið endaði í sjöunda sæti af átta liðum í Olísdeildinni á leiktíðinni og fer því í umspil um að halda sæti sínu í deildinni.
Jóhanna, sem hefur leikið þrjá A-landsleiki, er tvítug skytta sem hefur gert góða hluti með HK undanfarin ár.
Önnered hafnaði í sjöunda sæti sænsku úrvalsdeildarinnar í vetur og féll úr leik í átta liða úrslitum í úrslitakeppninni.