Línumaðurinn Kostadin Petrov hefur yfirgefið herbúðir Þórs frá Akureyri vegna persónulegra ástæðna.
Petrov hefur leikið frábærlega með Þórsurum í 1. deildinni í handbolta í vetur og var valinn í landsliðshóp Norður-Makedóníu fyrir HM fyrr í mánuðinum. Liðið endaði í 27. sæti eftir sigur á Suður-Kóreu í lokaleiknum.
Á dögunum var einnig tilkynnt um að Josip Vekic væri á förum frá Þór og hefur liðið því misst tvo erlenda leikmenn á skömmum tíma. Liðið er í sjötta sæti deildarinnar með 10 stig, fimm stigum frá öðru sæti deildarinnar.