Íslendingarnir í undanúrslit Meistaradeildarinnar
Setja bókamerki
Ómar Ingi Magnússon skoraði 6 mörk þegar Magdeburg tók á móti Hauki Þrastasyni og félögum í Kielce í síðari leik liðanna í 8-liða úrslitum Meistaradeildar karla í handbolta.
Fyrri leik liðanna lauk með eins marks sigri Kielce, 27:26, í Póllandi og spennan var alls ekki minni í kvöld því vítakeppni þurfti til að skera úr um sigurvegara og þar skoraði Ómar Ingi úrslitamarkið í bráðabana. Leiknum lauk með 23:22 sigri Magdeburg og jafntefli 49:49 því niðurstaðan.
Alex Dujshebaev átti tækifæri á að skjóta Kielce í undanúrslitin en Sergey Hernandez varði í marki Magdeburgar. Að lokum höfðu Evrópumeistararnir betur og fylgja Álaborg í undanúrslitin sem að vanda verða haldin í Köln.
Janus Daði Smárason skoraði tvö mörk fyrir Magdeburg en Gísli Þorgeir Kristjánsson komst ekki á blað. Haukur Þrastarson skoraði þrjú mörk fyrir Kielce.
Aldrei fleiri dósir í endurvinnslu
Andri Snær sættir sig við fimm frambjóðendur
Samþykkt kaup á fasteignum að virði 52 milljarða
Aflýsir öllum ferðum og sendir liðsauka
Skoða að taka upp gjaldskyldu á notkun nagladekkja
Rússar taldir undirbúa árásir gegn Vesturlöndum