Æfing í Kabardinka – Myndir

Íslensku landsliðsmennirnir í knattspyrnu fengu frí frá æfingum í gær og tóku því rólega en hefðbundin alvara tók við á ný í morgun þegar æft var í sólinni í Kabardinka. Næsti leikur er á föstudagskvöldið gegn Nígeríumönnum í Volgograd, og verður flogið þangað á morgun.

Allt var með mjög hefðbundnu sniði í morgun, nema hvað leikmenn tóku lagið áður en ballið byrjaði. Þeir sungu afmælissönginn fyrir Ragnar Sigurðsson, sem fagnar 32 ára afmæli í dag.

Eggert Jóhannesson og Skapti Hallgrímsson mynduðu æfingu landsliðsins í morgun.