Curry verður ekki lengi frá

Stephen Curry, ein skærasta stjarna NBA-deildarinnar í körfuknattleik, hefur ekki getað leikið með meistaraliðinu Golden State Warriors í undanförnum leikjum. 

Curry er á sjúkralistanum og glímir við meiðsli í nára. Bakvörðurinn meiddist í leik gegn Milwaukee Bucks síðasta fimmtudag. 

Meiðslin eru hins vegar ekki talin alvarlegs eðlis en þar sem stutt er liðið á tímabilið hafa forráðamenn Golden State ekki í hyggju að taka neina áhættu. Búist er við því að Curry verði tilbúinn í slaginn innan skamms. 

Curry byrjaði tímabilið með látum og skoraði tæplega 30 stig að meðaltali í fyrstu tólf leikjunum. 

• Blogga um frétt