Toronto Raptors tapaði öðrum leik sínum í vikunni í NBA-deildinni í körfuknattleik í nótt þegar liðið heimsótti Detroit Pistons. Toronto hefur unnið tólf leiki en tapað þremur í upphafi tímabilsins, rétt eins og meistararnir í Golden State Warriors.
Detroit sigraði 106:104 og skoraði Blake Griffin 30 stig og tók 12 fráköst. Hjá Toronto var Kawhi Leonard stigahæstur með 26 stig en hann kom frá San Antonio í sumar.
Dallas Mavericks fór gersamlega á kostum gegn Utah Jazz í Texas. Dallas róburstaði Utah 118:68 og sigraði því með fjörtíu stiga mun. Ofan á það skoraði Utah ekki nema 22 stig í síðari hálfleik. Harrison Barnes skoraði 19 stig fyrir Dallas en hjá Utah tókst Spánverjanum Ricky Rubio að vera stigahæstur með 11 stig.
Úrslit:
Orlando - Philadelphia 111:106
Washington - Cleveland 119:95
Boston - Chicago 111:82
Brooklyn - Miami 107:120
Toronto - Detroit 104:106
Milwaukee - Memphis 113:116
Minnesota - New Orleans 107:100
Oklahoma - New York 128:103
Dallas - Utah 118:68
Phoenix - San Antonio 116:98
LA Lakers - Portland 126:117