Kristján Leifur Sverrisson, sem leikið hefur með Haukum í úrvalsdeildinni í körfuknattleik, er genginn í raðir Breiðabliks.
Kristján er 24 ára og var nokkuð áberandi í liði Hauka fyrir nokkrum árum en var hins vegar ekki með á síðasta tímabili. Kristján er af miklu körfuboltakyni en systur hans Helena og Guðbjörg leika með Val.
Gabríel Sindri Möller er einnig kominn til Blika en hann var í Bandaríkjunum síðasta vetur. Gabríel er 21 árs og fékk sitt körfuboltauppeldi í Njarðvík en hefur einnig leikið með Hamri og Skallagrími.
Leikmennirnir ættu að styrkja lið Blika talsvert í baráttunni í næstefstu deild.