Tryggvi Snær Hlinason átti stórleik þegar íslenska karlalandsliðið í körfuknattleik vann fjórtán stiga sigur gegn Lúxemborg í forkeppni HM 2023 í Eurovia Aréna í Bratislava í Slóvakíu í gær.
Framherjinn skoraði 17 stig og var stigahæstur í íslenska liðinu. Þá tók hann einnig ellefu fráköst og gaf eina stoðsendingu í 90:76-sigri Íslands.
Tryggvi er samningsbundinn Zaragoza á Spáni en þar á bæ tóku menn eftir frábærri frammistöðu Íslendingsins.
„Tryggvi stjórnaði ferðinni á parketinu gegn Lúxemborg“ sagði meðal annars í færslu sem birtist á samfélagsmiðlum félagsins.
👑 𝐓𝐫𝐲𝐠𝐠𝐯𝐢 𝐇𝐥𝐢𝐧𝐚𝐬𝐨𝐧 domina la pintura frente a Luxemburgo: 🇮🇸 90 🆚 76 🇱🇺
— Casademont Zaragoza (@CasademontZGZ) November 27, 2020
El pívot de #CasademontZaragoza fue el mejor del partido con 1⃣7⃣ puntos, 1⃣1⃣ rebotes y 2⃣4⃣ de valoración 🔨🏀#FIBAWC | #MásUnidosQueNunca🦁 pic.twitter.com/TQ8mR5PZNi