Jón Axel Guðmundsson skilaði sínu hjá Bologna í deildabikarkeppninni í körfuknattleik á Ítalíu í kvöld en úrslitin voru ekki góð.
Bologna fékk skell gegn Venezia 67:95. Jón Axel skoraði 9 stig og var þriðji stigahæstur hjá Bologna.
Hann tók einnig fjögur fráköst og gaf tvær stoðsendingar. Jón Axel hefur að undanförnu stigið sín fyrstu skref með Bologna en hann lék í Þýskalandi á síðasta tímabili.