Uppselt er á þriðja leik Vals og Tindastóls í úrslitaeinvígi Íslandsmóts karla í körfubolta.
Leikurinn fer fram annað kvöld í Origo-höllinni á Hlíðarenda en hún tekur um 1500 manns.
KKÍ sendi frá sér tilkynningu í morgun þar sem fram kom að uppselt sé orðið á leikinn svo eftirspurnin eftir miðum er greinilega mikil.
Staðan í einvíginu er 1:1 en liðin hafa unnið heimaleikina sína hingað til. Fyrra liðið til að vinna þrjá leiki verður Íslandsmeistari.