Samdi við Njarðvík til tveggja ára

Njarðvíkingar hafa samið við einn af sínum efnilegustu körfuboltamönnum, Elías Bjarka Pálsson, um að leika áfram með félaginu næstu tvö árin.

Elías, sem verður 19 ára í október, lék með U18 ára landsliðinu síðasta sumar og hefur verið valinn í U20 ára landsliðið fyrir verkefni komandi sumars. Hann leikur sem bakvörður og er 1,96 metrar á hæð.

Hann var í leikmannahópi Njarðvíkinga í 19 leikjum í úrvalsdeildinni í vetur og var auk þess á venslasamningi hjá Hamri þar sem hann spilaði 29 leiki í 1. deildinni og tók þátt í að koma Hveragerðisliðinu upp í úrvalsdeildina.

Elías á ekki langt að sækja hæfileikana því foreldrar hans, Páll Kristinsson og Pálína Gunnlaugsdóttir, léku bæði með Njarðvík, sem og bróðir hans, landsliðsmaðurinn Kristinn Pálsson, sem er leikmaður Aris Leeuwarden í Hollandi.

• Blogga um frétt