Mbl.is sýnir nú annan þáttinn af „Klár í slaginn“ sem Reykjavík MMA gefur út, en tilefnið er það að Aron Kevinsson og Ívar Orri Ómarsson keppa í kvöld í Carlisle á Englandi.
Þeir berjast báðir fyrir Reykjavík MMA en félagið var stofnað á þessu ári og hafa nú þegar 27 keppendur barist erlendis fyrir félagið í MMA-íþróttinni. Þetta er fyrsti bardagi Ívars en þetta verður fjórði bardagi Arons á árinu. Magnús Ingi Ingvarsson, þjálfari þeirra, fór einnig með þeim út.
Í öðrum þætti sem sjá má í meðfylgjandi myndskeiði er sagt frá ferðalagi þeirra út og aðdragandann að bardögum þeirra um helgina. Sýnt verður frá þeim í beinni á Facebook-síðu Reykjavík MMA sem sjá má HÉR.