Berglind Rán mun gegna stöðu framkvæmdastjóra
Setja bókamerki
Berglind Rán Ólafsdóttir, forstöðumaður fyrirtækjamarkaða Orku náttúrunnar, mun gegna starfi framkvæmdastjóra fyrirtækisins tímabundið en ekki Þórður Ásmundsson, forstöðumaður tækniþróunar, eins og áður hafði verið greint frá. Þetta kemur fram í tilkynningu frá fyrirtækinu í dag.
Fyrir helgi var greint frá því að framkvæmdastjóra félagsins, Bjarna Má Júlíussyni, hefði verið sagt upp störfum vegna óviðeigandi framkomu hans gagnvart samstarfsfólki. Var um leið tilkynnt um að Þórður tæki tímabundið við starfi framkvæmdastjóra meðan auglýst væri eftir nýjum framkvæmdastjóra.
Berglind er sameindalíffræðingur með MBA-próf frá IESE í Barcelona. Hún kom til starfa hjá Orku náttúrunnar fyrir ári og hafði þá meira en áratugarreynslu af viðskiptaþróun meðal annars hjá Landsvirkjun, Medis og Íslenskri erfðagreiningu.
Kostnaður meiri en milljón á fermetra
„Höfum ekki náð að skríða upp úr þeirri gryfju“
Skar höfuðleðrið af íslenskri konu
Hvorki sést áður hér á landi né annars staðar
Tveir í bílnum sem lenti utan vegar
Handteknir eftir myndatöku í Vesturbæjarlaug
„Umsátursástand“
Kaldasti veturinn kom að óvörum