„Við lítum á þetta sem náttúrulegan þátt í okkar starfsemi,“ segir Guðmundur Þorbjörnsson, framkvæmdastjóri Eflu, sem var verðlaunað af Creditinfo fyrir samfélagslega ábyrgð í Hörpu í gær. Fyrirtækið hafi t.a.m. lagt mikinn metnað í átt að jafnlaunavottun að undanförnu sem sé líka í takt við kröfur samfélagsins.

„Þetta eru tvö málefni sem okkur langaði til að vekja athygli á og við teljum að skipti miklu máli fyrir íslenskt samfélag og atvinnulíf,“ segir Brynja Baldursdóttir, framkvæmdastjóri Creditinfo, en fyrirtækið verðlaunaði auk þess Nox Medical fyrir nýsköpun.

Verðlaunin voru veitt þegar Framúrskarandi fyrirtæki Creditinfo fengu viðurkenningar. Brynja segir að erfitt sé að mæla nýsköpun og samfélagslega ábyrgð í tölum og krónum en það dragi ekki úr mikilvæginu. Því voru skipaðar sérstakar dómnefndir til þess að leggja mat á hvaða fyrirtæki hafa skarað fram úr á þessum sviðum undanfarið.

Í myndskeiðinu er rætt við Brynju og Guðmund, og Pétur Má Halldórsson, framkvæmdastjóra Nox Medical.  

Sérblað um Framúrskarandi fyrirtæki Creditinfo fylgir Morgunblaðinu í dag og þá hefur verið opnaður sérstakur undirvefur mbl.is fyrir Framúrskarandi fyrirtæki Creditinfo.

Tengdar fréttir

Framúrskarandi fyrirtæki 2018

Framúrskarandi stemning í Hörpu

• Vanskil fyrirtækja minnka enn
• Nox Medical fékk nýsköpunarverðlaun
• Stærðin býður upp á meiri sérhæfingu
• Kenna bílstjórum að aka rétt

» Fleiri tengdar fréttir

• Blogga um frétt