Fyrrum félag Björgólfs og Róberts eignalaust

Ekkert fékkst upp í lýstar kröfur að fjárhæð tæplega fjórtán milljarða króna, úr þrotabúi félags sem áður var í eigu Róberts Wessmans og Björgólfs Thors Björgvinssonar. Tilkynnt var um þetta í Lögbirtingarblaðinu.

Skiptum lauk 8. mars og lögmaðurinn Sveinn Andri Sveinsson var skiptastjóri. Félagið heitir Mainsee Holding ehf. og var tekið til gjaldþrotaskipta árið 2018. 

Tveir kröfuhafar lýstu kröfum í búið. Annars vegar Björgólfur Thor Björgólfsson, en hann lýsti kröfum að fjárhæð 4,7 milljarða króna og hins vegar Glitnir HoldCo með kröfu að fjárhæð 9,1 milljarð króna.

Frétt af mbl.is

Félag Björgólfs og Róberts gjaldþrota

Frétt af mbl.is

Glitnir sýknaður af milljarðskröfu

Deilur í kringum félagið

Mainsee Holding ehf. var móðurfélag þýska fyrirtækisins Mainsee Pharma GmbH sem fjárfesti meðal annars í samheitalyfjarekstr. Félagið var stofnað árið 2007 af félögunum Salt Pharma II og Novator Pharma II.

Salt Pharma II var í eigu Björgólfs Thors Björgólfssonar en Novator Phamra II, í eigu Róberts Wessman.

Árið 2009 yfirtók Glitnir HoldCo félagið, en Glitnir HoldCo er félag sem stofnað var utan um eigur Glitnis banka.

Deil­ur á milli Björgólfs og Ró­berts spruttu upp í kring­um fé­lagið. Björgólf­ur sakaði Ró­bert um fjár­drátt og krafðist þess fyr­ir dómi að Ró­bert og Árni Harðar­son viðskipta­fé­lagi hans yrðu gert að greiða sér 2.000.000 evr­ur. Hæstirétt­ur sýknaði Ró­bert og Árna í því máli

Frétt af mbl.is

Róbert og Árni sýknaðir í Hæstarétti

• Blogga um frétt