Bæta fiskveiðistjórnun utan Evrópu

Frá ströndum Máritaníu. Mynd úr safni.
Frá ströndum Máritaníu. Mynd úr safni. Ljósmynd/Flickr

FarFish-verkefnið, sem ætlað er að stuðla að bættri umgengni evrópska fiskveiðiflotans um hafsvæði utan Evrópu, auka þekkingu á þeim fiskistofnum sem flotinn sækir í á þeim svæðum, greina virðiskeðjurnar sem snúa að afla skipanna og auka þekkingu á fiskveiðistjórnun meðal hagaðila sem að veiðunum koma hefur hlotið fimm milljóna evra styrk. Um þriðjungur styrksins rennur beint til Íslendinga sem vinna að verkefninu sem stýrt er af Matís.

21 fyrirtæki og stofnanir víðsvegar að úr Evrópu, Afríku og S-Ameríku, taka þátt í verkefninu, þar á meðal Matís og Sjávarútvegsskóli háskóla Sameinuðu þjóðanna (e. United Nations University Fisheries Training Program/UNU-FTP), sem staðsettur er hér á Íslandi. Verkefnið er styrkt af Horizon 2020 rannsóknaráætlun Evrópu.

,,Um 20 prósent af afla evrópska fiskveiðiflotans er fenginn utan evrópskra hafsvæða. Þessi afli er meðal annars fenginn á alþjóðlegum hafsvæðum og innan lögsögu strandríkja þar sem samningar hafa verið gerðir um aðgengi evrópska flotans,“ segir Jónas Rúnar Viðarsson hjá Matís en hann er verkefnastjóri verkefnisins.

„Samningar við strandríki eru með nokkrum hætti, og það sem snýr að þessu verkefni beint er annars vegar sérsamningar milli einstakra útgerða og yfirvalda á hverju svæði fyrir sig og hins vegar samningar sem Evrópusambandið gerir við einstök ríki gegn vilyrði um fjárhagslega styrki til innviðauppbyggingar í sjávarútvegi á þeim slóðum. Þessir samningarhafa verið nokkuð umdeildir, þar sem Evrópusambandið og evrópski flotinn hefur meðal annars verið sakaður um að fara ránshendi um auðlindir fátækra ríkja, sér í lagi við vesturströnd Afríku,“ segir Jónas.

„ Til að bregðast við þessari gagnrýni hefur Horizon 2020 rannsóknaáætlunin ákveðið að styrkja rannsókna- og þróunarstarf sem stuðla á að úrbótum á þessu sviði; þar kemur FarFish verkefnið til sögunar.“

Athyglinni beint að sex hafsvæðum

Í FarFish verkefninu verður athyglinni beint að sex hafsvæðum, það er innan lögsagna Grænhöfðaeyja, Máritaníu, Senegal og Seychelleseyja, sem og alþjóðlegra hafsvæða í suðaustur- og suðvestur Atlantshafi. Safnað verður saman upplýsingum um líffræðilega, vistfræðilega, efnahagslega og félagslega mikilvæga þætti veiðanna og þær upplýsingar gerðar aðgengilegar; fiskveiðistjórnun innan svæðanna verða greind í þaula og komið fram með tillögur að úrbótum; leitast verður við að auka ábyrgð evrópska flotans þegar kemur að nýtingu og upplýsingagjöf; og byggð verður upp þekking á grundvallaratriðum fiskveiðistjórnunar meðal hagaðila í strandríkjunum og innanevrópska fiskveiðiflotans.

„Ljóst er að hér er um gífurlega mikilvægt málefni að ræða og að ekki er ráðist á garðinn þar sem hann er lægstur. Þó er einnig mikilvægt að hafa í huga að takist verkefninu að stuðla að einhverskonar framförum í þessum flóknu og oft á tíðum nær stjórnlausu veiðum, þá mun það geta haft úrslitaáhrif á viðgang mikilvægra fiskistofna og lífsviðurværi fjölda manna, jafnt í strandríkjunum landa utan Evrópu sem og í Evrópu,“ segir í fréttatilkynningu frá Matís.

mbl.is
Afurð Dags. Meðalverð
Þorskur, óslægður 24.5.19 250,31 kr/kg
Þorskur, slægður 23.5.19 347,94 kr/kg
Ýsa, óslægð 23.5.19 289,27 kr/kg
Ýsa, slægð 23.5.19 211,36 kr/kg
Ufsi, óslægður 23.5.19 95,21 kr/kg
Ufsi, slægður 23.5.19 139,04 kr/kg
Djúpkarfi 22.5.19 127,41 kr/kg
Gullkarfi 23.5.19 140,54 kr/kg
Litli karfi 22.5.19 0,00 kr/kg
Blálanga, óslægð 23.5.19 149,67 kr/kg

Fleiri tegundir »

24.5.19 Báran SI-086 Grásleppunet
Grásleppa 188 kg
Skarkoli 11 kg
Þorskur 3 kg
Samtals 202 kg
24.5.19 Björn Hólmsteinsson ÞH-164 Þorskfisknet
Ýsa 835 kg
Þorskur 629 kg
Ufsi 31 kg
Skarkoli 13 kg
Samtals 1.508 kg
24.5.19 Fálki SK-035 Grásleppunet
Grásleppa 258 kg
Þorskur 44 kg
Samtals 302 kg
24.5.19 Metta NS-333 Grásleppunet
Grásleppa 325 kg
Skarkoli 23 kg
Samtals 348 kg

Skoða allar landanir »