Ósýnilegar framkvæmdir í höfninni

Sigurður A. Kristmundsson, hafnarstjóri í Grindavík.
Sigurður A. Kristmundsson, hafnarstjóri í Grindavík. mbl.is/Hanna

„Framkvæmdir hér sem hafa verið gerðar á höfninni sjást ekkert. Þessar dýpkanir sem sjást ekkert eru álíka miklar bara og Hvalfjarðargöngin, í efnismagni sem búið er að moka upp,“ segir Sigurður A. Kristmundsson, hafnarstjóri í Grindavík, í samtali við mbl.is.

Fyrr á árinu hófust framkvæmdir við endurgerð á svonefndum Miðgarði í Grindavíkurhöfn þar sem setja á niður nýtt 260 metra langt stálþil og endurnýja á allt lagnaverk í bryggjunni. Til viðbótar við nýja stálþilið og stækkun bryggjunnar verður lægið við viðlegukantinn dýpkað og er það sú framkvæmd sem er þegar hafin.

Auka dýpið um 4,5 metra

Grynnsta dýpi við kantinn er núna 3,5 metrar og það á að auka dýpið meðfram öllum kantinum niður í átta metra sem mun auka notagildið. „Þeir bátar sem eru núna að landa hérna í Grindavík, geta margir hverjir ekki legið við þennan kant vegna þess að dýpið er ekki nógu mikið. Það á sem sagt að auka dýpið þannig að það henti öllum flotanum, þessum grindvíska flota og fleirum sem að vilja koma,“ útskýrir Sigurður. Þá verða einnig gerðar frekari bragarbætur á kantinum.

Í heildina er um að ræða þrjú útboð, verkið við stálkantinn, lagningu nýrrar þekju yfir bryggjuna og loks dýpkanirnar. Sigurður gerir ráð fyrir að framkvæmdum ljúki ekki fyrr en á næsta ári en ætla má að framkvæmdir verði sýnilegri þegar hafist verður handa við stálkantinn og þekjuna.

Bestir í bolfiski í Grindavík

Frá áramótum og fram undir haust er yfirleitt hvað mest um að vera í höfninni í Grindavík en á haustin færast veiðar lengra norður með landinu og er þá rólegra hjá Sigurði og félögum í Grindavík. Þar er engu að síður ein stærsta útgerð á landinu en að sögn Sigurðar er Grindavík í 6. sæti á landinu hvað varðar aflaverðmæti, en önnur kvótahæsta verstöð landsins.

Afli viktaður við höfnina í Grindavík.
Afli viktaður við höfnina í Grindavík. mbl.is/Hanna

„Við erum mjög góðir í bolfiski,“ segir Sigurður. „En svo er mæld síld og loðna sem við höfum misst svolítið frá okkur [...] Þessi sérhæfing hefur átt sér stað í nokkuð langan tíma þannig menn eru orðnir nokkuð sérhæfðir í bolfiski hérna í Grindavík, enda er hún önnur kvótahæsta verstöð landsins,“ bætir hann við. 

Sigurður hefur verið hafnarstjóri síðan árið 2012 en áður starfaði hann sem hafnsögumaður og hafnarvörður. Nú yfir hásumarið er hann önnum kafinn frá morgni til kvölds við vigtun, skráningar og önnur verkefni í hafnarhúsinu. Að sögn Sigurðar hefur verið meira að gera í sumar en í fyrra, en í ár hafi ekki verið ráðinn sumarstafsmaður í afleysingar.

Þinganes frá Þorlákshöfn landaði 31 kari af humri síðastliðinn fimmtudag. ...
Þinganes frá Þorlákshöfn landaði 31 kari af humri síðastliðinn fimmtudag. Á myndinni má sjá skipverja Þinganess koma ungum og forvitnum ferðamanni skemmtilega á óvart og gefa honum nýveiddan humar. mbl.is/Hanna
mbl.is
Afurð Dags. Meðalverð
Gellur 6.12.17 706,00 kr/kg
Þorskur, óslægður 21.1.18 242,73 kr/kg
Þorskur, slægður 21.1.18 286,08 kr/kg
Ýsa, óslægð 21.1.18 221,91 kr/kg
Ýsa, slægð 21.1.18 205,86 kr/kg
Ufsi, óslægður 21.1.18 70,27 kr/kg
Ufsi, slægður 21.1.18 118,30 kr/kg
Djúpkarfi 29.12.17 131,00 kr/kg
Gullkarfi 21.1.18 180,52 kr/kg
Litli karfi 14.12.17 0,00 kr/kg

Fleiri tegundir »

21.1.18 Onni HU-036 Dragnót
Þorskur 2.689 kg
Ýsa 589 kg
Samtals 3.278 kg
21.1.18 Herja ST-166 Landbeitt lína
Þorskur 4.472 kg
Ýsa 960 kg
Steinbítur 8 kg
Samtals 5.440 kg
21.1.18 Hlökk ST-066 Landbeitt lína
Þorskur 3.202 kg
Ýsa 111 kg
Samtals 3.313 kg
21.1.18 Háey Ii ÞH-275 Lína
Þorskur 8.602 kg
Ýsa 1.420 kg
Hlýri 40 kg
Keila 22 kg
Ufsi 16 kg
Steinbítur 2 kg
Samtals 10.102 kg

Skoða allar landanir »