Hafi greitt í vitlaust stéttarfélag

Sjómannafélag Íslands og Sjómanna- og vélstjórafélag Grindavíkur beina því til íslenskra fiskimanna að ganga úr skugga um að vinnuveitendur standi skil á félagsgjöldum til þess félags sem viðkomandi kýs.

Þetta kemur fram í sameiginlegri tilkynningu sem félögin hafa sent frá sér. Segir þar að það sé gert að gefnu tilefni.

„Tilefni þessarar ábendingar er að upp hafa skotið kollinum tilvik þar sem sjómenn töldu sig greiðandi félagsmenn í einu félagi, en komið hafi síðan á daginn að samkvæmt launaseðlum hefði verið greitt í annað.

Sjómannafélag Íslands og Sjómanna- og vélstjórafélag Grindavíkur vekja athygli á því að öllum fiskimönnum er frjálst að velja sitt stéttarfélag, enda félagafrelsi bundið í lög.“

• Blogga um frétt