Aldrei veiðst betur í netarallinu

Um borð í Þorleifi EA, sem heldur nú til Grímseyjar.
Um borð í Þorleifi EA, sem heldur nú til Grímseyjar. Ljósmynd/Tryggvi Sveinsson

„Þetta er besta rall sem við höfum tekið,“ segir Gylfi Gunnarsson, skipstjóri á Þorleifi EA, en áhöfn bátsins sinnir nú árlegu netaralli fyrir Hafrannsóknastofnun úti fyrir Norðurlandi. Bætir hann við að veiðin sé töluvert mikið betri en í meðalári.

„Þó er þetta náttúrulega ekkert í líkingu við það sem sést fyrir sunnan.“

200 mílur náðu tali af Gylfa þar sem hann var staddur rétt fyrir utan Þórshöfn á Langanesi.

„Við erum að leggja af stað hérna frá Þórshöfn til Grímseyjar. Þar eigum við eftir síðustu lögnina,“ segir Gylfi. „Veðrið hefur svoleiðis leikið við okkur, enda þarf það að vera þegar maður er á allri þessari yfirferð, frá Steingrímsfirði og allt austur á Langanes.“

Þorleifur leggur netin. Veðrið hefur leikið við áhöfnina síðustu vikur.
Þorleifur leggur netin. Veðrið hefur leikið við áhöfnina síðustu vikur. mbl.is/Þorgeir Baldursson

Drógu Manna til hafnar

Svo vel vildi til að Gylfi og hans áhöfn voru nærri þegar báturinn Manni ÞH tók að leka snemma morguns í gær. „Ég hélt fyrst að bát­ur­inn væri að fara niður og við vor­um komn­ir í gall­ana,“ sagði Sæmund­ur Ein­ars­son, út­gerðarmaður og eig­andi Manna, í sam­tali við mbl.is í gær.

Svo fór að Þorleifur dró Manna til hafnar, en Gylfi segir dælurnar í Manna hafa haft vel undan við að dæla sjó úr bátnum.

„Þetta gekk ágætlega fyrir sig og allt fór vel, úr því sem komið var.“

Prófa spendýrafælur eftir netarallið

Að loknu netarallinu hefst tilraunaverkefni um borð í Þorleifi, þar sem spendýrafælur verða prófaðar á netum bátsins, en fælurnar gefa frá sér hljóð sem spendýrin eiga að vilja forðast. Mun verkefnið fara fram í Húnafirði og taka viku, að sögn Tryggva Sveinssonar, rannsóknarmanns hjá Hafrannsóknastofnun, sem er með í för að venju.

„Þá munum við reyna að finna út hvort þessar fælur virka á sjávarspendýr, svo sem litla hvali, hnísur og höfrunga. Þá verðum við með fælur á fjórum trossum en fjórar trossur fælulausar.“

mbl.is
Afurð Dags. Meðalverð
Þorskur, óslægður 20.7.18 198,20 kr/kg
Þorskur, slægður 20.7.18 277,35 kr/kg
Ýsa, óslægð 20.7.18 321,66 kr/kg
Ýsa, slægð 20.7.18 102,78 kr/kg
Ufsi, óslægður 20.7.18 38,46 kr/kg
Ufsi, slægður 20.7.18 77,00 kr/kg
Djúpkarfi 28.6.18 87,90 kr/kg
Gullkarfi 20.7.18 232,04 kr/kg
Litli karfi 28.6.18 45,00 kr/kg
Blálanga, óslægð 20.7.18 301,29 kr/kg

Fleiri tegundir »

21.7.18 Jóhanna G ÍS-056 Handfæri
Þorskur 1.619 kg
Ufsi 27 kg
Karfi / Gullkarfi 4 kg
Samtals 1.650 kg
21.7.18 Dóri GK-042 Lína
Hlýri 82 kg
Keila 48 kg
Steinbítur 32 kg
Samtals 162 kg
21.7.18 Sæfari ÁR-170 Plógur
Sæbjúga /Hraunpussa 6.918 kg
Samtals 6.918 kg
21.7.18 Svanur BA-413 Sjóstöng
Þorskur 168 kg
Samtals 168 kg
21.7.18 Haftyrðill ÍS-408 Sjóstöng
Þorskur 44 kg
Samtals 44 kg

Skoða allar landanir »