Metafli á fiskveiðiárinu

Afli Vestmannaeyjar VE og Bergeyjar VE var samtals 829 tonn af slægðum fiski í ágúst, en á sama tíma í fyrra veiddu skipin 661 tonn. Heildarafli hvors skips er því yfir 5.000 tonn af óslægðum fiski á fiskveiðiárinu og hefur aldrei verið meiri, að því er kemur fram á vef Síldarvinnslunnar.

Dótturfélag Síldarvinnslunnar, Bergur-Huginn, gerir skipin út og hefur dótturfélagið leigt til sín um 3.000 tonn af kvóta til viðbótar við þann sem þegar er á skipum félagsins.

Þá hafa Bergey og Vestmannaey veitt um 1.900 tonn af óslægðri ýsu á þessu kvótaári og er samanlagður afli skipa Síldarvinnslunnar 4.600 tonn af ýsu, en kvótinn við landið er 43.000 tonn

• Blogga um frétt