Kaupir Solo Seafood fyrir 8,2 milljarða

Helgi Anton Eiríksson, framkvæmdastjóri ISI, segir kaupin mikilvægt skref.
Helgi Anton Eiríksson, framkvæmdastjóri ISI, segir kaupin mikilvægt skref. mbl.is/Valli

Iceland Seafood International hefur keypt íslenska sjávarútvegsfyrirtækið Solo Seafood ehf. sem er eigandi spænska fyrirtækisins Icelandic Iberica.

Fyrir kaupin voru eigendur Solo Seafood útgerðarfélögin FISK-Seafood, Jakob Valgeir ehf. á Bolungarvík, Nesfiskur, Hjörleifur Ásgeirsson, framkvæmdastjóri Icelandic Iberica, og Sjávarsýn, félag Bjarna Ármannssonar.

Munu fyrrverandi eigendur Solo Seafood ganga inn í eigendahóp ISI, en kaupin voru gerð með hlutabréfum í ISI, sem metin voru á rúma átta milljarða króna föstudaginn 14. september, auk hreinnar greiðslu upp á 478 þúsund evrur, eða sem nemur rúmum 62 milljónum íslenskra króna á gengi dagsins í dag. Nemur heildarvirði kaupanna tæpum 8,2 milljörðum.

Eins og greint var frá í Morgunblaðinu fyrr í mánuðinum má greina ýmis jákvæð merki í hálfsársuppgjöri ISI. Hagnaður af reglulegri starfsemi ISI jókst um 71% á fyrstu sex mánuðum ársins miðað við sama tímabil í fyrra og nam 2,2 milljónum evra fyrir skatt.

Þétt aðfangakeðja frá uppruna til neytanda

Fram kemur í tilkynningu á vef ISI að Icelandic Iberica sé eitt af leiðandi sjávarfangsfyrirtækjum á markaðinum í S-Evrópu.

„Það er okkur mikil ánægja að tilkynna kaupin á Icelandic Iberica Group,“ er haft eftir Helga Antoni Eiríkssyni, framkvæmdastjóra ISI. „Þetta er mikilvægt skref í virðisaukaáætluninni okkar, sem snýst um að búa til þétta aðfangakeðju frá uppruna og fram til neytanda. Með stóru íslensku sjávarútvegsfyrirtækin FISK, Nesfisk og Jakob Valgeir sem stóra hluthafa munu skapast tækifæri í Suður-Evrópu og á öllum þeim svæðum sem við þjónum.“

Bjarni Ármannsson, stjórnarformaður ISI, segir að um stóra breytingu sé að ræða.

„Ég er stoltur af því eiga þátt í þessari frábæru þróun og er spenntur fyrir framtíðarmöguleikunum.“

mbl.is
Afurð Dags. Meðalverð
Þorskur, óslægður 17.4.19 355,41 kr/kg
Þorskur, slægður 17.4.19 380,86 kr/kg
Ýsa, óslægð 17.4.19 354,23 kr/kg
Ýsa, slægð 17.4.19 291,79 kr/kg
Ufsi, óslægður 17.4.19 91,66 kr/kg
Ufsi, slægður 17.4.19 125,76 kr/kg
Djúpkarfi 9.4.19 224,97 kr/kg
Gullkarfi 17.4.19 208,01 kr/kg
Litli karfi 4.4.19 0,00 kr/kg
Blálanga, óslægð 12.4.19 10,00 kr/kg

Fleiri tegundir »

19.4.19 Konráð EA-090 Grásleppunet
Grásleppa 1.160 kg
Þorskur 116 kg
Ufsi 85 kg
Samtals 1.361 kg
19.4.19 Sigrún EA-052 Handfæri
Þorskur 457 kg
Ufsi 417 kg
Karfi / Gullkarfi 113 kg
Samtals 987 kg
19.4.19 Hilmir ST-001 Grásleppunet
Grásleppa 2.672 kg
Þorskur 190 kg
Skarkoli 66 kg
Samtals 2.928 kg
19.4.19 Straumur ST-065 Grásleppunet
Grásleppa 2.175 kg
Þorskur 114 kg
Skarkoli 57 kg
Samtals 2.346 kg

Skoða allar landanir »