Lítið mældist bæði af eldri og yngri loðnu

Nótin gerð klár.
Nótin gerð klár. mbl.is/Hanna Andrésdóttir

Heildarmagn loðnu í leiðangri Hafrannsóknastofnunar í september mældist 337 þúsund tonn og þar af var metin stærð veiðistofns vertíðarinnar 2018/2019 um 238 þúsund tonn.

Fram hefur komið að í samræmi við aflareglu gefur þessi niðurstaða ekki tilefni til þess að mæla með upphafskvóta, en stærð stofnsins verður mæld að nýju í janúar. Þá mældust einungis tæplega 11 milljarðar eða 99 þúsund tonn af ungloðnu í leiðangrinum en samkvæmt aflareglu þarf yfir 50 milljarða til að mælt verði með upphafsaflamarki fiskveiðiársins 2019/2020.

Bergmálsmælingar á stærð loðnustofnsins fóru fram á rannsóknaskipunum Árna Friðrikssyni og Bjarna Sæmundsyni auk uppsjávarskipsins EROS 6.-27. september. Rannsóknasvæðið náði frá landgrunninu við A-Grænland frá um 75°00'N og suðvestur með landgrunnskanti Grænlands allt suður fyrir Hvarf, en auk þess til Grænlandssunds, Íslandshafs og hafsvæðisins vestan Jan Mayen auk norðurmiða.

Samkvæmt frétt Hafrannsóknastofnunar fannst loðna víða á rannsóknasvæðinu. Ungloðna, sem myndar hrygningar- og veiðistofninn á vertíðinni 2019/2020, var vestast og sunnantil á svæðinu en eldri loðna var mest áberandi út af Vestfjörðum og norður með landgrunni Grænlands. Útbreiðsla loðnunnar var mjög vestlæg, líkt og verið hefur undanfarin ár. Þó var hærra hlutfall hennar út af Vestfjörðum en verið hefur síðastliðin ár en jafnframt fannst kynþroska loðna nær Grænlandi en áður hefur sést í sambærilegum leiðöngrum.

Gildandi aflaregla byggist á því að skilja eftir 150 þúsund tonn til hrygningar í mars 2019 með 95% líkum. Tekur aflareglan tillit til óvissumats útreikninganna, vaxtar og náttúrulegrar dánartölu loðnu, auk afráns þorsks, ýsu og ufsa á loðnu.

Afurð Dags. Meðalverð
Þorskur, óslægður 20.1.19 283,82 kr/kg
Þorskur, slægður 20.1.19 334,96 kr/kg
Ýsa, óslægð 20.1.19 290,32 kr/kg
Ýsa, slægð 20.1.19 254,05 kr/kg
Ufsi, óslægður 20.1.19 101,80 kr/kg
Ufsi, slægður 20.1.19 137,91 kr/kg
Djúpkarfi 16.1.19 253,00 kr/kg
Gullkarfi 20.1.19 178,91 kr/kg
Litli karfi 24.10.18 17,00 kr/kg
Blálanga, óslægð 20.1.19 210,00 kr/kg

Fleiri tegundir »

20.1.19 Indriði Kristins BA-751 Lína
Langa 689 kg
Steinbítur 41 kg
Ufsi 30 kg
Hlýri 14 kg
Karfi / Gullkarfi 10 kg
Samtals 784 kg
20.1.19 Þorleifur EA-088 Þorskfisknet
Ufsi 4.031 kg
Þorskur 3.939 kg
Karfi / Gullkarfi 550 kg
Ýsa 95 kg
Samtals 8.615 kg
20.1.19 Sandfell SU-075 Lína
Þorskur 1.002 kg
Ýsa 722 kg
Steinbítur 263 kg
Keila 61 kg
Karfi / Gullkarfi 12 kg
Grálúða / Svarta spraka 4 kg
Samtals 2.064 kg

Skoða allar landanir »