Flugvélin oft þarfasti þjónninn

Guðmundur Alfreðsson, viðhaldsstjóri Bergs- Hugins í Vestmannaeyjum, segist vera 5 ...
Guðmundur Alfreðsson, viðhaldsstjóri Bergs- Hugins í Vestmannaeyjum, segist vera 5 mínútur að fljúga upp á Bakka. Ljósmynd/Síldarvinnslan

„Ég lærði að fljúga 1984 og síðan má segja að flugvélin hafi oft verið minn þarfasti þjónn,“ segir Guðmundur Alfreðsson, viðhaldsstjóri Bergs-Hugins í Vestmannaeyjum, dótturfélags Síldarvinnslunnar. Fyrirtækið gerir út togarana Vestmannaey VE og Bergey VE og í samtali við heimasíðu Síldarvinnslunnar segir viðhaldsstjórinn að flugvélin komi oft að góðu gagni þegar hann þurfi að komast upp á land. 

Guðmundur er mikill áhugamaður um flug, hefur flugréttindi og á að baki um 1.600 flugtíma. Hann á hlut í fisvél og eins flýgur hann vél af gerðinni Piper Warrior. „Ég nota flugvélina töluvert í mínu starfi. Það tekur mig einungis um 5 mínútur að fljúga upp á Bakka og þar hef ég bíl sem ég get síðan farið á áfram. Eins flýg ég töluvert á Selfoss en það tekur mig um 20 mínútur,“ segir Guðmundur.

Síðastliðinn fimmtudag kom flugvélin í góðar þarfir. Vestmannaey var að landa í Eyjum og þá kom í ljós að síðuloki í skipinu var bilaður. Engan slíkan loka var að fá í Eyjum og hafði Guðmundur þá samband við fyrirtækið Set á Selfossi og kom strax í ljós að þar var til loki. Guðmundur samdi við starfsmann hjá Set um að hann yrði kominn með lokann út á Selfossflugvöll eftir 20 mínútur. Þvínæst settist hann upp í flugvélina og það stóð heima að flugvélin lenti á flugvellinum um líkt leyti og starfsmaðurinn kom þangað með lokann. Síðan var flogið rakleiðis til Eyja með lokann og hann settur í skipið.  

„Það tók einungis um klukkustund að útvega skipinu nýjan loka og vegna þess að unnt var að fljúga og sækja hann tafðist það ekkert frá veiðum. Þetta sýnir vel að það getur borgað sig að hafa flugvél við höndina í Vestmannaeyjum þegar upp koma tilvik sem þetta,“ segir Guðmundur í samtali við heimasíðu Síldarvinnslunnar.

mbl.is
Afurð Dags. Meðalverð
Þorskur, óslægður 20.1.19 283,82 kr/kg
Þorskur, slægður 20.1.19 334,28 kr/kg
Ýsa, óslægð 20.1.19 290,32 kr/kg
Ýsa, slægð 20.1.19 255,76 kr/kg
Ufsi, óslægður 20.1.19 101,80 kr/kg
Ufsi, slægður 20.1.19 137,91 kr/kg
Djúpkarfi 16.1.19 253,00 kr/kg
Gullkarfi 20.1.19 179,67 kr/kg
Litli karfi 24.10.18 17,00 kr/kg
Blálanga, óslægð 20.1.19 210,00 kr/kg

Fleiri tegundir »

20.1.19 Indriði Kristins BA-751 Lína
Langa 689 kg
Steinbítur 41 kg
Ufsi 30 kg
Hlýri 14 kg
Karfi / Gullkarfi 10 kg
Samtals 784 kg
20.1.19 Þorleifur EA-088 Þorskfisknet
Ufsi 4.031 kg
Þorskur 3.939 kg
Karfi / Gullkarfi 550 kg
Ýsa 95 kg
Samtals 8.615 kg
20.1.19 Sandfell SU-075 Lína
Þorskur 1.002 kg
Ýsa 722 kg
Steinbítur 263 kg
Keila 61 kg
Karfi / Gullkarfi 12 kg
Grálúða / Svarta spraka 4 kg
Samtals 2.064 kg

Skoða allar landanir »