„Megn pólitísk myglulykt“

Sigurgeir Brynjar Kristgeirsson, framkvæmdastjóri Vinnslustöðvarinnar.
Sigurgeir Brynjar Kristgeirsson, framkvæmdastjóri Vinnslustöðvarinnar.

„Fyrir mér blasir við að þarna lágu skýrir og greinilegir þræðir þvers og kruss á milli Seðlabankans, ríkisstjórnarinnar og Kastljóss RÚV. Megna pólitíska myglulykt lagði af þessu samráðsferli þá og leggur enn.“

Þetta skrifar Sigurgeir Brynjar Kristgeirsson, framkvæmdastjóri Vinnslustöðvarinnar, á vef útgerðarinnar. Fjallar hann þar um rannsókn Seðlabankans á viðskiptaháttum bæði Vinnslustöðvarinnar og Samherja, sem hann segir að nokkru leyti samstofna.

„Slík framkoma og stjórnsýsla hefði ábyggilega þótt til fyrirmyndar í …
„Slík framkoma og stjórnsýsla hefði ábyggilega þótt til fyrirmyndar í Austur-Þýskalandi sáluga,“ skrifar Sigurgeir Brynjar. mbl.is/Ómar Óskarsson

Atburðarásin ekki verið tilviljunum háð

Bendir hann á að athygli hafi vakið hve vel Ríkisútvarpið hafi verið upplýst um það fyrir fram, að „rannsóknarlið úr Seðlabankanum undirbyggi innrás í Samherja“, til að safna gögnum.

„Kvikmyndatökumenn RÚV settu sig þannig í stellingar að morgni dags á gangstétt fyrir utan aðsetur fyrirtækisins á Akureyri og í Reykjavík, tilbúnir með tæki sín og tól áður en rannsóknarmenn bar þar að með pappakassa undir gögn,“ skrifar Sigurgeir Brynjar.

„Vert er að halda til haga dagsetningum og velta fyrir sér hvort atburðarásin þarna sé tilviljunum háð? Ég held ekki, alls ekki.“

Hér að neðan má sjá þær dagsetningar sem Sigurgeir Brynjar nefnir í færslu sinni, orðrétt eins og hann setur þær fram.

  • 26. mars 2012: Steingrímur J. lagði fram á Alþingi frumvörp Jóhönnustjórnarinnar um stjórn fiskveiða og veiðigjöld.
  • 27. mars 2012: Húsleit Seðlabankans hjá Samherja á fyrir norðan og sunnan.
  • 27. mars 2012: Þrælundirbúinn Kastljósþáttur um meinta undirverðlagningu Samherja (augljóslega farið að undirbúa þáttaseríuna löngu fyrir húsleitina).
  • 28. mars 2012: Framhalds-Kastljós um sama mál.
  • 29. mars 2012: Kastljós III um sama mál, Þorsteinn Már Baldvinsson í „yfirheyrslu“. Í inngangi var sagt m.a.: „Allur útflutningur Samherja er til rannsóknar“!
  • 2. apríl 2012: Vinnslustöðin tekin fyrir í seríu Kastljóss um verðlagningarmál. Forráðamönnum Hugins í Eyjum gerðar upp skoðanir.

Í samtali við Morgunblaðið í dag segist hann ekki í vafa um að skipulagða atlögu að sjávarútveginum hafi verið að ræða og greinilegir þræðir hafi verið á milli Seðlabankans, ríkisstjórnarinnar og Kastljóss RÚV.

„Klukkutíma áður en síðastnefndi þátturinn var sendur út náði ég tali af einum stjórnenda Kastljóss og útskýrði málið fyrir honum, en við okkur hafði ekki verið talað. Ég taldi að ég hefði skýrt með greinilegum hætti að af okkar hálfu hefðu engin lögbrot verið framin og ekkert sviksamlegt verið á ferðinni. Ég fékk þau svör að unnið hefði verið að þættinum í sex vikur og of seint væri að breyta efni þáttarins.“

Starfsmenn sérstaks saksóknara bera kassa inn í höfuðstöðvar Samherja á …
Starfsmenn sérstaks saksóknara bera kassa inn í höfuðstöðvar Samherja á Akureyri. Lagt var hald á mikið magn gagna í húsleitinni. mbl.is/Skapti Hallgrímsson

Hefði ábyggilega þótt til fyrirmyndar í A-Þýskalandi

Ítarlega er fjallað um málið á síðu 10 í Morgunblaðinu í dag, en þar er helst greint frá því að hvorki Sigurgeir Brynjar né aðrir fulltrúar meirihlutaeigenda útgerðarinnar hafi vitað af kæru Seðlabankans í þeirra garð fyrr en í mars 2014, þremur árum eftir að hún var lögð fram.

„Slík framkoma og stjórnsýsla hefði ábyggilega þótt til fyrirmyndar í Austur-Þýskalandi sáluga en ég hefði aldrei getað ímyndað mér að svona nokkuð gerðist í réttarríki á borð við það sem ég taldi mig búa við á Íslandi á 21. öldinni,“ skrifar hann á vef VSV.

mbl.is

Bloggað um fréttina

Afurð Dags. Meðalverð
Þorskur, óslægður 19.1.20 381,34 kr/kg
Þorskur, slægður 19.1.20 436,48 kr/kg
Ýsa, óslægð 19.1.20 264,93 kr/kg
Ýsa, slægð 19.1.20 272,91 kr/kg
Ufsi, óslægður 19.1.20 134,81 kr/kg
Ufsi, slægður 19.1.20 198,54 kr/kg
Djúpkarfi 4.12.19 156,00 kr/kg
Gullkarfi 19.1.20 366,25 kr/kg
Litli karfi 18.12.19 15,00 kr/kg
Blálanga, óslægð 19.1.20 99,00 kr/kg

Fleiri tegundir »

19.1.20 Gullver NS-012 Botnvarpa
Ýsa 7.329 kg
Þorskur 2.646 kg
Karfi / Gullkarfi 789 kg
Hlýri 100 kg
Keila 24 kg
Steinbítur 22 kg
Langa 11 kg
Skötuselur 10 kg
Grálúða / Svarta spraka 10 kg
Samtals 10.941 kg
19.1.20 Björgvin EA-311 Botnvarpa
Ufsi 14.622 kg
Þorskur 8.414 kg
Karfi / Gullkarfi 1.651 kg
Hlýri 591 kg
Langa 541 kg
Ýsa 227 kg
Samtals 26.046 kg

Skoða allar landanir »

Afurð Dags. Meðalverð
Þorskur, óslægður 19.1.20 381,34 kr/kg
Þorskur, slægður 19.1.20 436,48 kr/kg
Ýsa, óslægð 19.1.20 264,93 kr/kg
Ýsa, slægð 19.1.20 272,91 kr/kg
Ufsi, óslægður 19.1.20 134,81 kr/kg
Ufsi, slægður 19.1.20 198,54 kr/kg
Djúpkarfi 4.12.19 156,00 kr/kg
Gullkarfi 19.1.20 366,25 kr/kg
Litli karfi 18.12.19 15,00 kr/kg
Blálanga, óslægð 19.1.20 99,00 kr/kg

Fleiri tegundir »

19.1.20 Gullver NS-012 Botnvarpa
Ýsa 7.329 kg
Þorskur 2.646 kg
Karfi / Gullkarfi 789 kg
Hlýri 100 kg
Keila 24 kg
Steinbítur 22 kg
Langa 11 kg
Skötuselur 10 kg
Grálúða / Svarta spraka 10 kg
Samtals 10.941 kg
19.1.20 Björgvin EA-311 Botnvarpa
Ufsi 14.622 kg
Þorskur 8.414 kg
Karfi / Gullkarfi 1.651 kg
Hlýri 591 kg
Langa 541 kg
Ýsa 227 kg
Samtals 26.046 kg

Skoða allar landanir »