Halldóra Mogensen, þingmaður Pírata, lagði í dag fram fyrirspurn til umhverfis- og auðlindaráðherra um hreinsun fjarða þar sem laxeldi hefur verið stundað í opnum sjókvíum.

Halldóra spyr ráðherra hvort kannaður hafi verið mögulegur kostnaður við hreinsun hafsbotns í fjörðum, þar sem laxeldi hefur verið stundað í opnum sjókvíum, þegar til þess kemur að starfsemi ljúki. Þá spyr hún hver myndi greiða slíkan kostnað.

Þá spyr Halldóra hvort einhverjar reglur séu í gildi, eða fyrirmæli frá ráðherra, um hvernig ganga skuli frá sjókvíum þegar laxeldi er hætt. Og ef ekki, þá hvort áform séu uppi um að gefa slík fyrirmæli eða setja slíkar reglur.

Þá er spurt um hvor hreinsunarstarf þeirra aðila sem nú þegar stunda laxeldi í opnum sjókvíum hafi verið kannað, og þá hversu umfangsmikið það hreinsunarstarf sé.

Laxeldi í sjókvíum. mbl.is/RAX

Tengdar fréttir

Fiskeldi

„Enginn flokkur tekið málið í fangið“

• Strokulaxar setja mark sitt á laxveiðiár
• Eldisrisi fjárfestir milljörðum í þekkingu
• 5.196 laxar hafi sloppið úr landeldisstöð
• Strokulöxum fækkar í norskum ám

» Fleiri tengdar fréttir

• 1 blogg um fréttina

Bloggað um fréttina

• Eyjólfur Jónsson: Þetta er vandræðamál í Noregi og ekkert smámál!