Mannlaus dróni hefur auga með fiskimiðunum

Nokkur reynsla er nú komin af dróna frá Siglingaöryggisstofnun Evrópu sem Landhelgisgæsla Íslands (LHG) hefur notað um skeið til eftirlits úti fyrir Austurlandi.

Georg Lárusson, forstjóri LHG, sagði að stofnunin hefði unnið að því að fá drónann hingað til prófunar og eftirlits.

Dróninn hefur m.a. verið notaður til að fylgjast með umferð á miðunum og til að taka myndir af hugsanlegri mengun. Hann hefur einnig nýst til að fylgjast með brottkasti og hvar menn hafa verið að veiðum, að því er fram kemur í umfjöllun um þetta þarfaþing í Morgunblaðinu í dag.