Smábátafélagið Hrollaugur á Höfn skorar á Kristján Þór Júlíusson sjávarútvegsráðherra að leyfa strandveiðar fram í september, eða þar til því heildaraflamarki sem úthlutað var til strandveiða verði náð.

Þetta kemur fram á vef félagsins. Þar segir að gæftir hafi verið misjafnar í kringum landið í sumar og gengi svæða misjafnt vegna veðra og vinda, auk mismunandi fiskgengdar eftir svæðum.

„Þess vegna liggur fyrir að eitthvað mun standa eftir af áætluðu aflamarki til strandveiða fyrir sumarið 2019,“ segir í áskoruninni. Hver dagur sem hægt sé að róa til strandveiða sé strandveiðiútgerðum og byggðum landsins mikilvægur.

Frétt af mbl.is

Ná ekki að fullnýta veiðiheimildirnar

Að óbreyttu lýkur tímabili strandveiða nú í lok mánaðar. 

„Lengd veiðitíma­bils­ins er sett í lög og því þarf að byrja á að breyta lög­um eigi eitt­hvað annað að breyt­ast. Og það er ekki gert í einni svip­an. En þetta verður end­ur­skoðað á næsta ári, ekki síst í ljósi þess að nú er það að ger­ast tvö ár í röð að við náum ekki að nýta þær heim­ild­ir sem okk­ur eru fengn­ar,“ sagði Axel Helgason, formaður Landssambands smábátaeigenda, við 200 mílur í júlí.

Tengdar fréttir

Smábátaveiðar

Ánægður með nýja Sigrúnu Björk ÞH

• Lokun Skápsins tvímælalaust að skila sér
• „Leggjum línuna hvenær sem veður leyfir“
• Náðu 10 tonnum í mokveiði
• Fordæma vinnubrögð og mótmæla tillögum

» Fleiri tengdar fréttir

• Blogga um frétt