Orlik kominn í skurð

Fyrri áfangi í förgun rússneska togarans Orlik, sem legið hefur við fest­ar í Reykja­nes­höfn í fimm ár, hófst í dag. Togaranum hefur verið komið í skurð sem grafinn var innan hafnar í Njarðvík.

Frá þessu er greint á vef Víkurfrétta.

Sagt var frá því í lok júlí að togarinn væri hálfsokinn en það tókst að koma í veg fyrir það.

Frétt af mbl.is

„Skelfilegt“ ef Orlik sykki

Fram kemur í frétt Víkurfrétta að aðgerð dagsins hafi tekist vel.

Í skurðinum verður yfirbygging skipsins klippt af og asbest fjarlægt úr því. Áfanginn verður unninn á tveimur mánuðum. Að því loknu verður skipið dregið yfir að Skipasmíðastöð Njarðvíkur, þar sem það verður endanlega rifið.

• Blogga um frétt