Rúmlega 120 sjómenn á Sögu, togara Samherja í Namibíu, óttast að þeir hafi misst vinnuna eftir að skipið yfirgaf landið óvænt á miðvikudag.

Þetta kemur fram í frétt Namibian þar sem bent er á að Samherji hafi tilkynnt að fyrirtækið ætlaði að hætta starfsemi í Namibíu eftir að Samherjamálið komst í fréttirnar. Ekki er ljóst hvort brotthvarf Sögu er hluti af þeim áætlunum.

Áhöfn Sögu var í gegnum smáskilaboð frá Sögu Seafood Namibía, sem annast rekstur skipsins, beðin að sækja eigur sínar á miðvikudag.

Leonard Shinedima úr áhöfninni sagði við Namibian að skipverjar hefðu fengið þær upplýsingar að fyrirtækið hefði ekki fengið kvóta og þess vegna ætti að senda skipið til Las Palmas á Spáni til viðgerða. Yfirgaf það höfnina á miðvikudagskvöld, samkvæmt fréttinni. 

„Núna fréttum við að skipið ætli ekki að snúa aftur. Þeir notuðu það að fara til Las Palmas bara sem afsökun til að koma skipinu í burtu frá Namibíu,“ sagði hann.

Johannes Shayuka, fulltrúi verkalýðsfélagsins Nafau, hefur óskað eftir útskýringum frá Samherja. Fundur er fyrirhugaður næsta mánudag.

Annað skip Samherja í Namibíu, Heinaste, var kyrrsett seint á síðasta ári og var skipstjóri þess, Arngrímur Brynjólfsson, í framhaldinu úrskurðaður í farbann. 

Frétt af mbl.is

Skipstjórinn fékk heimsókn yfir jólin

Tengdar fréttir

Samherji í Namibíu

Kærur Þórðar Snæs og Aðalsteins endanlega felldar niður

• Fimm manns í tíu daga í Namibíu
• Aðstoða stjórnvöld í Namibíu
• Fimm manns frá héraðssaksóknara staddir í Namibíu
• Réttarhöldum í Samherjamálinu í Namibíu frestað

» Fleiri tengdar fréttir

• Blogga um frétt