Hefðu þurft 6-8 sinnum meira

Bráðabirgðamat liggur nú fyrir frá mælingum á stærð loðnustofnsins í janúar. Stærð hrygningarstofnsins samkvæmt þeim mælingum var um 64 þúsund tonn.

Er það langt undir mörkum í gildandi aflareglu sem þarf að ná svo Hafrannsóknastofnun geti ráðlagt veiðar. Samkvæmt upplýsingum frá stofnuninni hefði magnið þurft að vera, gróflega áætlað, að minnsta kosti 6-8-falt meira til að gefinn hefði verið út loðnukvóti.

Matið byggist á mælingum þriggja skipa, RS Árna Friðrikssonar, ásamt loðnuskipunum Hákoni EA-148 og Polar Amaroq. Tvö önnur veiðiskip komu einnig að verkefninu, að því er fram kemur í Morgunblaðinu í dag.