Samherja veitt undanþága frá tilboðsskyldu í Eimskip

Fjármálaeftirlit Seðlabanka Íslands veitti í dag Samherja Holding, systurfélagi Samherja, undanþágu frá tilboðsskyldu í Eimskipafélag Íslands hf.

Þetta kemur fram í tilkynningu frá Samherja. Þar segir að það sé niðurstaða eftirlitsins að núverandi aðstæður á fjármálamarkaði í ljósi COVID-19, bæði hér á landi og í heiminum öllum, séu með þeim hætti að skilyrði laga um verðbréfaviðskipti um sérstakar aðstæður séu uppfyllt.

Frétt af mbl.is

Samherji selur sig niður fyrir yfirtökumörk

Með flöggun hinn 10. mars kom fram að Samherji Holding hefði aukið hlut sinn í Eimskip um 3,05% og ætti 30,11% hlut í fyrirtækinu eftir kaupin. Félagið myndi senda öðrum hluthöfum yfirtökutilboð innan fjögurra vikna eins og áskilið væri í lögum. Hinn 20. mars óskaði Samherji Holding eftir undanþágu frá yfirtökuskyldunni vegna þeirra sérstöku aðstæðna sem hefðu skapast á fjármálamarkaði vegna útbreiðslu COVID-19.

Tilkynning Samherja

• Blogga um frétt