Þorsteinn sakar RÚV um óheiðarleg vinnubrögð
Setja bókamerki
Þorsteinn Már Baldvinsson, forstjóri Samherja, sendir fréttastofu RÚV tóninn í nýju myndskeiði sem fyrirtækið hefur birt á YouTube. Þar fjallar hann um nýfundið skjal Verðlagsstofu skiptaverðs um karfaútflutning Samherja, en Þorsteinn sakar RÚV um óheiðarleg vinnubrögð.
Þorsteinn bendir á að umrætt skjal, sem RÚV byggði umfjöllun sína á í mars 2012 hafi ekki verið skýrsla heldur heldur þriggja blaðsíðna óundirritað og ódagsett vinnuskjal um karfaútflutning frá Verðlagsstofu skiptaverðs, að því er fram kemur á vef Samherja.
„Mér brá verulega þegar ég fór að skoða tölurnar í þessu skjali vegna þess að þær staðfesta, það sem við höfum haldið fram, að þær ásakanir sem voru settar fram í þessum þætti eru allar rangar,“ segir Þorsteinn Már í myndskeiðinu.
Hann bendir m.a. á að Samherji eigi ekki þrjú af þeim skipum sem fjallað er um í skjalinu. Auk þess hafi komið í ljós við lestur skjalsins að Ríkisútvarpið hafi slitið upplýsingar úr því úr samhengi á mjög grófan hátt.
Þar hafi verið um að ræða efnisgrein sem fjallaði um verð sem ferskur karfi var seldur á. Ríkisútvarpið hafi aðeins birt fyrstu setninguna í efnisgreininni stytta en ekki efnisgreinina í heild sinni og gjörbreytti þannig efnislegu inntaki hennar.
„Þetta sýnir í hnotskurn þau óheiðarlegu vinnubrögð sem við höfum mátt þola af hálfu Ríkisútvarpsins síðastliðin átta ár,“ segir Þorsteinn Már.
Kanna hvort skjalavarslan hafi verið í samræmi við lög
Í gær var greint frá því, að Þjóðskjalasafn Íslands hafi hafið athugun á hvort að skjalavarsla og skjalastjórn Verðlagsstofu skiptaverðs hefði verið í samræmi við lög. Er þetta vegna vegna frétta og yfirlýsingar Verðlagsstofu skiptaverðs á vef stofnunarinnar 25. ágúst um tilurð skjals sem fannst nýlega á aflögðu gagnadrifi stofnunarinnar.
Endurspeglar dómgreindarbrest
Þá greindi Kjarninn frá því í gær að Jón Óttar Ólafsson, sem hefur starfað fyrir Samherja, hafi ítrekað sent fréttamanninum Helga Selja skilaboð, bæði í gegnum SMS og Facebook-reikning eiginkonu sinnar. Ingi Freyr Vilhjálmsson, blaðamaður á Stundinni sem fjallað hefur um Samherja, fékk einnig send skilaboð þar sem honum var hótað „umfjöllun“, að því er Kjarninn greinir frá
Jón Óttar sendi frá sér yfirlýsingu í gærkvöldi þar sem hann viðurkenndi að það hefði verið rangt að senda umrædd skilaboð, „þau endurspegla dómgreindarbrest af minni hálfu og ég sé mikið eftir því að hafa sent þau. Ég vil nota þetta tækifæri til þess að biðja Helga Seljan afsökunar á þessum sendingum,“ segir í yfirlýsingunni.
„Eins og greint hefur verið frá í fjölmiðlum hef ég sinnt ráðgjöf fyrir Samherja hf. sem verktaki. Tekið skal fram að stjórnendur félagsins höfðu ekki vitneskju um skilaboð mín til Helga. Mér finnst miður ef þessi gagnrýniverða háttsemi mín verði á einhvern hátt bendluð við félagið og starfsfólk þess því hún er alfarið á mína ábyrgð,“ sagði Jón ennfremur.
„Umsátursástand“
Gígbarmurinn hækkað frá því í gær
Kostnaður meiri en milljón á fermetra
Eyjafjarðarbraut lokað vegna alvarlegs umferðarslyss
„Það þarf að vinna mikinn fjölda upp“
Tveir í bílnum sem lenti utan vegar
Árshátíð ríkislögreglustjóra haldin í Tékklandi