Victoria Prentis, sjávarútvegsráðherra Bretlands, sætir nú mikilli gagnrýni eftir að hafa viðurkennt fyrir nefnd lávarðadeildar breska þingsins að hafa ekki lesið Brexit-samninginn vegna þess að hún hafi verið of upptekin við að undirbúa sýningu um fæðingu frelsarans í tilefni jólanna.

Skoski þjóðarflokkurinn krefst þess nú að ráðherrann segi af sér.

Brexit-samningurinn hefur hlotið gagnrýni sjómanna og útgerða fyrir að veita aðeins brot af þeim veiðiheimildum sem talið er að Bretar eigi rétt á. Til að mynda hafi skipum Evrópusambandsins verið tryggt 80% af ýsukvótanum í Keltahafi næstu fimm árin. Auk þess sem hlutdeild Breta í ufsa í Norðursjó hefur aðeins farið úr 23% í 26%.

Margir sjómenn og útgerðarmenn segja Brexit-samninginn vonbrigði. AFP

„Ég held að samningurinn sé góður fyrir Bretland. Hvað varðar sjávarútveginn verður að segjast að atvinnugreinin dreymdi stóra drauma og satt að segja fengum við ekki allt sem við sóttumst eftir í sumum tilfellum,“ sagði Prentis við þingnefndina.

Spurð hvort hún hafi verið hissa þegar hún sá samninginn aðfangadagskvöld svaraði hún: „Nei, samningurinn kom þegar við vorum öll mjög upptekin á aðfangadagskvöld, í mínu tilfelli að skipuleggja sýningu um fæðingu frelsarans (e. nativity trail).“

Guardian

Evening Standard

The National

Express

Tengdar fréttir

Brexit

Verði auðveldara að fara til og frá Bretlandi

• Fríverslunarsamningurinn formlega genginn í gildi
• Harma hve illa Bretum hefur tekist að semja
• Fimm mál sem leiddu til fallsins
• Meiri afli vegna Brexit kalli á fjárfestingar

» Fleiri tengdar fréttir

• Blogga um frétt