Ekkert banaslys á sjó í fjögur ár
Karítas Ríkharðsdóttir
Setja bókamerki
Skráð sjóatvik hjá Rannsóknarnefnd samgönguslysa (RNSA) voru samtals 93 á árinu 2020 og fækkaði frá árinu áður um 12% og er um 31% undir meðaltali áranna 2010–2019. Þetta kemur fram í nýútkominni ársskýrslu RNSA fyrir sjóatvik .
Slysum á fólki fjölgaði
Langflest atvik voru í flokknum slys á fólki eða 58, það er fjölgun um eitt slys frá árinu 2019. Það er einnig yfir tíu ára meðaltali þar sem slys á fólki eru 53. Þá fjölgaði atvikum þar sem skip sukku eða hvolfdu, sem voru 7 atvik árið 2020. Árið 2019 sukku eða hvolfdu aðeins 2 skip og tíu ára meðaltali eru 4 skip.
Næst flest voru skráð atvik þar sem skip voru dregin til hafnar eða 18 talsins. Það er veruleg fækkun frá því árinu áður þegar þau voru 54 og langt undir tíu ára meðaltali sem stendur í 42.
Flest urðu skráð atvik á norðvestursvæði, frá Snæfellsnesi að Siglufirði, eða 43% atvika. 25% atvika gerðust á suðvestursvæði, frá Dyrhólaey að Snæfellsnesi og 21% þeirra á norðaustursvæði.
Engin banaslys
Engin banaslys urðu árið 2020 á íslenskum sjómönnum við Íslandsstrendur. Um er að ræða sjöunda árið í sögunni frá því að skráning á slysum hófst og fjórða árið í röð. Önnur ár sem ekkert banaslys á sjó urðu við Ísland eru: 2008, 2011, 2014, 2017, 2018 og 2019.
Sem fyrr segir eru slys á fólk algengustu skráðu atvikin hjá RNSA. Flest urðu þau á veiðum árið 2020 eða í 40 tilfellum, í 8 tilfellum urðu slys á fólki á siglingu og í 10 tilfellum þegar skip var í höfn.
Algengustu slysin á fólki er að verða á milli og klemmast (í 17 tilfellum), fallslys og beinbrot (í 14 tilfellum) og slys við vind og hífingar (í 11 tilfellum).
Flest urðu slysin á hásetum eða í 62% skipta, þar á eftir netamönnum í 9% skipta, og matsveinum í 7% skipta.
Bergnuminn í Hvalfirði
Gígbarmurinn hækkað frá því í gær
Breytingar á skipulagi fréttadeildar RÚV
Þyngri refsing fyrir að nauðga stjúpdóttur æskuvinar
Krefjast stöðvunar framkvæmda
Nemendur í HÍ reistu tjaldbúðir án leyfis