Notkun Hafrannsóknastofnunar á rannsóknargögnum einstaklings og birting upplýsinga úr þeim í frétt á vefsíðu stofnunarinnar, án þess að geta hvaðan gögnin voru komin eða fá leyfi hans, samrýmdist ekki lögum og vönduðum stjórnsýsluháttum.

Þetta kemur fram í áliti setts umboðsmanns vegna kvörtunar yfir starfsháttum Hafrannsóknastofnunar. Þá gerði settur umboðsmaður athugasemdir við svör Hafrannsóknastofnunar til umboðsmanns og kom þeirri ábendingu á framfæri að þau yrðu framvegis betur úr garði gerð.

Rannsóknargögnin lutu að upprunagreiningu strokulaxa sem Matís ohf. hafði greint fyrir hann og Hafrannsóknastofnun birti með eigin upplýsingum um upprunagreiningu strokulaxa. Til að greina laxana notaði Matís viðmiðunargögn frá Hafrannsóknastofnun og upplýsti síðan stofnunina um niðurstöður sínar, að því er fram kemur í umfjöllun um mál þetta í Morgunblaðinu í dag.

Tengdar fréttir

Hafrannsóknastofnun

Hafa kortlagt um sex þúsund ferkílómetra

• Vísar gagnrýni á togararall á bug
• Telur stærð nytjastofna stórlega vanmetna
• „Allir um borð eru afskaplega hjálplegir“
• Samstarfssamningur Hafró og NMSÍ undirritaður

» Fleiri tengdar fréttir