Hægt hefur á gangi makrílveiðanna hjá skipum Síldarvinnslunnar á undanförnum dögum og hefur aflinn í Smugunni verið misjafn. Fram kemur í færslu á vef fyrirtækisins að framan af hafi vertíðin gengið vel þar sem ágætur afli fékkst í Smugunni þó lítið hafi verið af makríl í íslenskri lögsögu.

„Einstaka sinnum koma aflaskot en þau standa yfirleitt stutt enda allur flotinn brátt kominn á þann blett sem veitt er á. Þrátt fyrir þetta er engin ástæða til að fyllast svartsýni. Ágústmánuður er nýhafinn og undanfarin ár hefur makrílveiði í Smugunni gjarnan hafist um þetta leyti. Ef tekið er mið af reynslu fyrri ára ætti aðalveiðitíminn í Smugunni að vera eftir og vonandi á veiðin eftir að glæðast,“ segir í færslunni.

Frétt af mbl.is

Börkur með fyrstu tonnin af makríl

Á laugardag kom Beitir NK til hafnar í Neskaupstað með 1.210 tonn úr Smugunni og hefur vinnsla gengið vel. Í gærkvöldi kom svo Börkur II NK með 1.040 tonn, en að þeim afla meðtöldum hafa borist um 18.000 tonn af makríl til Neskaupstaðar á vertíðinni. Í fyrra voru unnin 23.000 tonn á vertíðinni en henni er þó ekki lokið enn

Beitir og Börkur II hafa, auk skipanna Barkar NK, Bjarna Ólafssonar AK og Vilhelms Þorsteinssonar EA, veitt í samstarfi á vertíðinni og landa öll í Neskaupstað. Felst samstarfið í því að afla allra skipanna er dælt um borð í eitt þeirra hverju sinni. Þetta fyrirkomulag kemur í veg fyrir að skipin séu að sigla langan veg með lítinn afla.

Tengdar fréttir

Makrílveiðar

Munu reyna til hins ýtrasta að ná samkomulagi

• Samkomulag um ráðgjöf en ekki um veiði
• Leggja til 24% samdrátt í síldarkvóta
• Vilja viðskiptaaðgerðir gegn Noregi og Færeyjum
• „Við höfum ekkert gaman af svartsýni“

» Fleiri tengdar fréttir

• Blogga um frétt