„Sveitarfélög eiga ekki að þurfa að sækja um í samkeppnissjóð til að byggja upp eins og nauðsynlegt er til þess að hámarksábati af fiskeldi skili sér,“ skrifar Halla Signý Kristjánsdóttir, þingmaður Framsóknarflokksins, í aðsendri grein í Morgunblaðinu í dag.

Hún kveðst telja brýnt að endurskoðuð verði gjaldtaka af fiskeldi hér á landi þannig að tekjur hin opinbera skili sér í auknum mæli til þeirra sveitarfélaga þar sem fiskeldi er stundað. „Það þarf ekki að snúa að aukinni gjaldtöku heldur þarf að tryggja að tekjur af slíkri gjaldtöku standi undir nauðsynlegum verkefnum þeirra sveitarfélaga sem standa næst eldinu.“

Afstaða Höllu Signýjar er í takti við þau sjónarmið sem meðal annars bæjasrstjóri Vesturbyggðar hefur viðrað enda þurfti það sveitarfélag að grípa til umfangsmikilla fjárfestinga til að skapa fiskeldinu rými.

Frétt af mbl.is

Fiskeldi sneri hnignun í sókn

Meira til Austfjarða en Vestfjarða

Þá gagnrýnir Halla Signý að sveitarfélög á Austfjörðum hafi fengið mun meira úr fiskeldissjóði en sveitarfélög á Vestfjörðum þar sem mun meira er framleitt af eldisafurðum. Fengu vestfirsk sveitarfélög úthlutað 34 milljónum króna en austfirsk 70 milljónir. „Það er ljóst út frá þessari útfærslu að sveitarfélög geta ekki gert raunhæfa fjárhagsáætlun eða framkvæmdaáætlun með hliðsjón af starfsemi atvinnugreinarinnar eins og hægt er að gera út frá öðrum greinum sem stundaðar eru á svæðinu.“

Hægt er að lesa grein Höllu Signýjar í Morgunblaðinu í dag eða hér.

Tengdar fréttir

Fiskeldi

„Margt hefur nú ekki beinlínis verið til fyrirmyndar“

• Segir nýtt frumvarp gefa eldisfyrirtækjum auðlindir
• Laxey fær sex milljarða
• Fjárfestingin 115 milljarðar króna
• Bátur Arnarlax verður fyrsti sinnar tegundar

» Fleiri tengdar fréttir