„Að löndun lokinni verður stefnan tekin á Rósagarðinn og kolmunnanum sinnt. Vonandi á það eftir að ganga vel,“ segir Tómas Kárasson, skipstjóri á Beiti NK, á vef Síldarvinnslunnar. Skipið kom til hafnar í Neskaupstað með 1.600 tonn af norsk-íslenskri síld. Einnig hefur verið landað 1.100 tonnum af kolmunna úr Barða NK.

„Hvað gerist svo er ég ekki með á hreinu en ekki er ólíklegt að loðnunótin verði tekin um borð næst þegar í land verður komið. Loðnuvertíðin er svo sannarlega tilhlökkunarefni og maður finnur spennuna í loftinu,“ segir Tómas.

„Staðreyndin er sú að uppsjávarveiðarnar blómstra um þessar mundir. Veiðar á norsk-íslensku síldinni hafa gengið frábærlega og hún hefur veiðst við bæjardyrnar. Kolmunnaveiðarnar hafa líka gengið vel og nú er hann veiddur inni í íslenskri lögsögu sem er afar mikilvægt. Þá kemur fljótlega að veiðum á íslenskri sumargotssíld og ég hef þá trú að þær eigi eftir að ganga eins og í sögu.“

„Það er einungis makríllinn sem hefur verið að stríða okkur, en hann hefur fjarlægst landið og það hefur verið býsna langt að sækja hann. Fyrir okkur, sem erum á uppsjávarskipunum, má segja að þetta sé nánast ein allsherjar veisla,“ segir Tómas.

Tengdar fréttir

Makrílveiðar

Munu reyna til hins ýtrasta að ná samkomulagi

• Samkomulag um ráðgjöf en ekki um veiði
• Leggja til 24% samdrátt í síldarkvóta
• Vilja viðskiptaaðgerðir gegn Noregi og Færeyjum
• „Við höfum ekkert gaman af svartsýni“

» Fleiri tengdar fréttir

Loðnuveiðar

Kaupa norska loðnu á uppboði

• Árangurslausri loðnuleit formlega lokið
• Ekkert markvert fundist af loðnu
• Heimaey bættist í hóp leitarskipa
• Tvö skip leita nú loðnu suðaustur af landinu

» Fleiri tengdar fréttir

• Blogga um frétt