Svandís Svavarsdóttir, matvælaráðherra, hefur verið í Færeyjum frá því á mánudag ásamt vinnuhópi úr ráðuneytinu í þeim tilgangi að kynna sér fiskeldi Færeyinga. Á fundum hafa einnig verið ræddir möguleikar á samvinnu ríkjann á þessu sviði, að því er fram kemur á vef stjórnarráðsins.

„Það hefur verið verið lærdómsríkt að fá innsýn í reynslu okkar góðu granna. […] Færeyingar hafa meðal annars unnið ötullega að því að auka gæði og sjálfbærni framleiddrar vöru þannig að færeysk útflutningsframleiðsla sé í hæsta gæðaflokki og skila þannig meiri verðmætum í þjóðarbúið. Með því að fjárfesta í rannsóknum í greininni hafa Færeyingar lagt grunn að gríðarlegum framförum,” er haft eftir Svandísi.

Í Færeyjum fundaði hún með Magnus Rasmussen, iðnaðarráðherra Færeyja, sem fer með málefni fiskeldis og Árna Skaale, sjávarútvegsráðherra landsins, ásamt því að heimsækja Havstovu, systurstofnun Hafrannsóknastofnunar, og Vørn, systurstofnun Fiaskistofu.

Marita Rasmussen, forstjóri Havstovan, Svandís Svavarsdótttir ,matvælaráðherra, og Árni Skaale sjávarútvegsráðherra Færeyja. Ljósmynd/Stjórnarráðið

Tengdar fréttir

Fiskeldi

Aldrei meira til Austfjarða úr fiskeldissjóði

• Björk varar við frumvarpi ríkisstjórnarinnar
• „Margt hefur nú ekki beinlínis verið til fyrirmyndar“
• Segir nýtt frumvarp gefa eldisfyrirtækjum auðlindir
• Laxey fær sex milljarða

» Fleiri tengdar fréttir

• Blogga um frétt