Grunur er um að ISA-veiran sem getur valdið blóðþorra í laxi kunni að vera komin upp í kvíabóli í Berufirði. Grunurinn vaknaði við skoðun á einu sýni af mörgum og er verið að senda það til raðgreiningar erlendis. Dýralæknir fisksjúkdóma hjá MAST segir ekki hægt að fullyrða neitt um málið fyrr en niðurstöður raðgreiningar berast.

Veiran hefur greinst í öllum kvíabólum Ice Fish Farm í Reyðarfirði í vetur, Gripalda, Sigmundarhúsum og síðast við Vattarnes. Slátrun var flýtt úr öllum kvíum, í öryggisskyni, og nú er unnið að slátrun við Vattarnes.

Frétt af mbl.is

Ekki ljóst hve langt hlé er gert á laxeldinu

Gísli Jónsson, dýralæknir fisksjúkdóma hjá MAST, segir að grunur um ISA-veiruna hafi vaknað við reglubundna sýnatöku á kvíabólinu Hamraborg í Berufirði og sé bundinn við þetta eina sýni. Reiknar hann með að niðurstöður úr raðgreiningu berist fyrrihluta næstu viku. Í gær var unnið að því að taka fleiri sýni úr öllum kvíum á Hamraborg.

Í tilkynningu Ice Fish Farm kemur fram að áætlað er að um 890 þúsund laxar séu á þessu kvíabóli, að meðaltali 2.137 kg að þyngd. Tekið er fram að erfitt sé að meta afleiðingar hugsanlegs sjúkdóms en dregið geti úr framleiðslu í kjölfarið.

Tengdar fréttir

Fiskeldi

„Enginn flokkur tekið málið í fangið“

• Strokulaxar setja mark sitt á laxveiðiár
• Eldisrisi fjárfestir milljörðum í þekkingu
• 5.196 laxar hafi sloppið úr landeldisstöð
• Strokulöxum fækkar í norskum ám

» Fleiri tengdar fréttir