Lýsi fór í sjóinn í Fáskrúðsfirði

Lýsi fór í sjóinn í Fáskrúðsfirði eftir óhapp sem varð við útskipun á lýsi hjá Loðnuvinnslunni í gær. Björg­un­ar­skipið Hafdís var kallað út til að koma út mengunarvarnargirðingu.

Flutningaskipið, Key Bora, tók niðri skömmu eftir lýsisútskipunina og var því nóg að gera hjá viðbragðsaðilum, eins og mbl.is greindi frá í gær.

Slanga sprakk með þeim afleiðingum að lýsið lenti í sjónum. 

Vel gekk að hreinsa upp það sem hafði farið í sjóinn þökk sé samstilltu átaki starfsmanna Loðnuvinnslunnar, björgunarsveitarinnar Geisla, hafnarinnar og Meta ehf., að því er segir í tilkynningu frá björgunarsveitinni Geisla.

Frétt af mbl.is

Flutningaskip tók niðri í Fáskrúðsfirði

Sigli af stað síðdegis í dag

Björg­un­ar­skipið Haf­dís var sent á vett­vang og var komið að skipinu aðeins 10 mín­út­um eft­ir að út­kallið barst. Bilun var í stýris­búnaði skipsins sem náði þó að losa sig með eigin vélarafli stuttu seinna. 

Skipið var búið að taka lýsi fyr­ir Lýsi hf í Nes­kaupstað, sem átti að fara í Þor­láks­höfn, og var í Fá­skrúðsfirði að taka lýsi fyr­ir Loðnu­vinnsl­una, sem átti að fara út fyrir landsteinana.

Gert er ráð fyr­ir því að Key Bora sigli af stað til Þor­láks­hafn­ar síðdegis í dag.

• Blogga um frétt